Aðalþing 2011
Fundargerð fimmta aðalþings
Sambands íslenskra framhaldsskólanema
Haldið í Menntaskólanum við Hamrahlíð 16.-17. september 2011
Ritað hefur:
Arnór Bjarki Svarfdal
fyrsti þingritari
Föstudagurinn 16. September
Setning þings. 14:00
Heiða Karen Sæbergsdóttir, fráfarandi formaður SÍF, ávarpar samkomuna, býður þingfulltrúa velkomna og kynnir dagskrá þingsins. Sjá dagskrá þingsins í meðfylgjandi þingskjölum.
Heiða Karen setur 5. þing SÍF formlega klukkan 14:15
Kosning um þingforseta og þingritara
Heiða Karen tilnefnir þingforseta og þingritara:
- 1. þingforseti er kjörinn einróma, Þorkell Einarsson, fyrrum formaður SÍF.
- 2. þingforseti er kjörinn einróma, Guðni Rúnar Jónasson, fyrrum formaður INSÍ.
- 1. þingritari er kjörinn eiróma, Arnór Bjarki Svarfdal, velgjörðarmaður SÍF.
- 2. þingritari er kjörinn einróma, Bjarnþór Ingi Sigurjónsson, stjórn SÍF.
Heiða Karen tilnefnir hvatninganefnd:
Þorkell Einarsson, Hreiðar Már Árnason (fyrrum framkvæmdastjóri SÍF) og Guðni Rúnar Jónasson kjörnir einróma.
Heiða Karen kynnir lausar stöður í framkvæmdastjórn. Sjá kafla um kosningar.
Skýrsla framkvæmdastjórnar
Heiða Karen kynnir skýrslu framkvæmdarstjórnar. Sjá skýrslu í meðfylgjandi þingskjali. Skýrslan borin upp til samþykktar, og samþykkt einróma.
Sigurbjörg Birgisdóttir, framkvæmdarstjóri SÍF, sagði frá daglegum störfum sínum.
Vinnuhópar kynntir
Heiða Karen kynnti þá vinnuhópa sem þinginu verður skipt upp í. Hóparnir eru:
a) Framtíð SÍF
b) Aðgengi að menntun
c) Kennsluaðferðir
d) Þátttaka nemenda í nemendafélögum
Lagabreytingartillögur
Þorkell þingforseti kynnir lagabreytingartillögur (sjá meðfylgjandi þingskjöl). Þingforseti leggur til að frestur á lagabreytingartillögum verður færður fram til klukkan 15:50 í dag, þannig að tillögurnar geti gengið í gegnum tvær umræður í vinnuhópum. Stjórnarmenn munu þó áfram geta sent inn tillögur um lagabreytingar fram að eðlilegum tíma. Samþykkt einróma.
Hlé gert á þingfundi klukkan 14:50
Hópastarf hefst 15:50
Skipting í hópa klukkan 15:50. Hópastarf og starf hvatninganefndar hefst klukkan 16:00. Ályktanir hópanna skila hópstjórarnir inn hver í sínu lagi, og fylgja þær sem viðaukar með þessari fundargerð. Hópastarfi lýkur 18:30.
Hlé gert á þingfundi klukkan 18:30
Kynning á OBESSU 19:00
Kynning frá Hreiðari Má um OBESSU, en hann situr í stjórn samtakanna. Sýnd stikla úr mynd um „réttindarútuna.“ Lófatak og fögnuður. Spurningum þingfulltrúa um OBESSU svarað. Frekari upplýsingar um OBESSU veitir Hreiðar Már og www.obessu.org.
Þingfundi frestað fram á næsta dag, 19:30
Laugardagurinn 17. September
Morgunverður og hópefli 9:00.
Vinnuhópar halda áfram vinnu sinni 10:00.
Sjá umræður seinna í fundargerð og ályktanir vinnuhópa í viðauka.
Formlegum þingfundi framhaldið 11:30
Teknar fyrir aðildarumsóknir nýrra félaga.
- Nemendafélag Fjölbrautarskólans við Ármúla sækir um aðild. Aðildarumsókn samþykkt einróma.
- Nemendafélag Framhaldsskólans í Mosfellsbæ sækir um aðild. Aðildarumsókn samþykkt einróma.
- Nemendafélag Borgarholtsskóla sækir um aðild. Aðildarumsókn samþykkt einróma.
Kynningar á starfi vinnuhópa – Aðgengi að menntun
Eydís Árnadóttir, alþjóðafulltrúi SÍF, og Natan Kolbeinsson, formaður FÁ-vitans, kynna starf vinnuhóps um Aðgengi að menntun.
Vinuhópurinn leggur fram ályktunartillögu sem fylgir með í viðauka.
Umræður meðal þingfulltrúa um að hverfaskipting sé óæskileg. Betri leið væri t.d. að miða við einkunnir úr samræmdum prófum.
Eva Brá Axelsdóttir, forvarnafulltrúi SÍF, leggur fram breytingartillögu um að við ályktunina verði bætt að sé einkunn úr grunnskóla ekki næg til að skera úr um inntöku í framhaldsskóla, geti skólar tekið til greina mætingu, tónlistarnám, félagsstörf og þess háttar. Ef mjótt munar á einkunn þeirra sem komast inn og þeirra sem ekki komast inn mætti taka tillit til annarra þátta. Umræður í sal gefa til kynna að brotthvarf samræmdra prófa hafi dregið úr metnaði íslenskra ungmenna fyrir námi. Þingfulltrúar eru á báðum áttum um ágæti þess að taka mið af tónlistarnámi og þess háttar, þó almenn sátt.
Þengill Björnsson, Inspector Scholae Skólafélags MR, dregur í efa þörfina á að senda nýja ályktun um aðgengi að menntun og samræmd próf, enda hafi SÍF gert það áður. Þingheimur almennt ósammála.
Hjörleifur Harðarson, formaður Rafnagla í VMA, vill ítreka að aðgengi að fullu námi verði undirstrikað. Tekur dæmi um sjálfan sig, þ.e. að hann á ekki kost á að klára sitt nám í heimabæ sínum og neyðist til að flytja til Reykjavíkur til að klára það. Það þurfi að laga. Eydís mótmælir.
Athugasemd frá þingfulltrúa: hvað ef léleg mæting er afleiðing t.d. eineltis eða veikinda? Annar þingfulltrúi tekur undir og segist góður námsmaður þrátt fyrir undir 50% mætingu. Þengill tekur undir það og leggur til að mætingaskylda verði almennt afnumin í framhaldsskóla. Almenn sátt með þessa orðræðu. Eydís mótmælir.
Breytingartillaga Evu dregin til baka.
Hjörleifur leggur fram breytingartillögu við ályktunina þar sem undirstrikað er að iðnnám frá upphafi til enda sé í boði í öllum landshlutum. Tillagan strax dregin til baka.
Ályktunin samþykkt með meginþorra atkvæða, með fyrirvara um leiðréttingu á málfari og stafsetningu.
Kynningar á starfi vinnuhópa – Kennsluaðferðir
Atli Steinn Bjarnason, gjaldkeri SÍF, kynnir starf vinnuhóps um kennsluaðferðir.
Vinnuhópur leggur fram ályktunartillögu sem fylgir með í viðauka.
Spurning úr sal um hvað felst í ákvæði ályktunarinnar um tímabeltamismuninn. Atli útskýrir tæknileg atriði um tímabeltavilluna á Íslandi.
Gagnrýni borin upp á klukkustundarákvæðið, og mótgagnrýni.
Þengill vill hætta klukkuumræðu og einbeita sér að öðru. Eydís mótmælir því.
Ólafur Heiðar Helgason, gjaldkeri Keðjunnar Kvennó, vill bæta við ályktunina að samtal og samvinna kennara og nemenda verði bætt. Tvíhliða menntun, ekki einhliða fræðsla.
Ásgrímur Hermannson, ármaður Skólafélags MS, vill fella ályktunina, kallar hana froðu, sem oft hefur verið rætt um áður. Ekki nógu markvisst.
Jónína Riedel, FSnæ, vill leggja áherslu á mikilvægi stoðtímanna, sem rætt er um í ályktun.
Ásgrímur gagnrýnir form tillögunar, og vill að hún sé prentuð og gefinn tími til að setja fram formlegar breytingartillögur.
Þingforseti vill fresta umræðu þar til næsti hópur hefur kynnt sitt starf, sú dagskrárbreytingartillaga samþykkt með meginþorra atkvæða.
Þingforseti ber upp dagskrárbreytingartillögu um að skýrslur vinnuhópa verði kláraðar fyrir hádegismat. Ályktun samþykkt einróma, með fyrirvara um leiðréttingu á málfari og stafsetningu.
Kynningar á starfi vinnuhópa – Þátttaka nemenda í starfi nemendafélaga
Eva Brá og Bjarnþór Ingi Sigurjónsson, verkefnastjóri SÍF, kynna starf vinnuhóps um þátttöku nemenda í starfi nemendafélaga.
Vinnuhópur leggur fram ályktunartillögu sem fylgir með í viðauka.
Hjörleifur gagnrýnir SÍFara, kallar þá einfara. Hlutverk þeirra of óljóst og virkni ekki næg. Þá þarf að virkja.
Ásgrímur vill draga tillöguna til baka vegna þess að skjalið er froða. Kemur SÍF ekki við og gefur ranga hugmynd um starfsemi SÍF. Efni ályktunarinnar eru ekki brýn. Eydís mótmælir því á þeim forsendum að í sumum skólum séu vandamál slík að þessi ályktun eigi við, jafnvel þótt það eigi ekki við um MS, þar sem Ásgrímur ræður ríkjum.
Gagnrýni úr sal: Hvaða mál eru þá brýn? Ásgrímur nefnir ritskoðanir, niðurskurði o.fl. Eva Brá svarar því að SÍF þurfi líka að vera stoð fyrir nemendafélög. Natan tekur undir með Evu. SÍF eigi líka að vera styrkjandi afl í félagsstarfi. Þengill tekur undir það að SÍF eigi að hjálpa við félagastörf, en segir að þingið sé ekki vettvangurinn til þess, heldur til umræðna um hagsmunabaráttu nemenda, brot á réttindum, hegðun skólastjórna og fleira. Sífellt sé brotið meira á nemendum.
Fulltrúi FMos þakkar fyrir að tekinn sé til umræðu vandi við félagsstörf og ályktanir um þau efni. FMos er nýr skóli með nýtt félag og þau segjast eiga í basli með a koma á fót félagslífi, því sé þessi ályktun vel þegin.
Áframhaldandi málþóf um hvað sé brýnt að tala um og hvað ekki.
Ályktun samþykkt með meginþorra atkvæða, með fyrirvara um leiðréttingu á málfari og stafsetningu.
Hádegismatur 12:20. Hlé gert á þingfundi
Ályktunartillaga vinnuhóps um kennsluaðferðir tekin fyrir aftur
Breytingartillaga berst frá Jónínu Riedel um ályktunartillögu um kennsluhætti.
- Í stað þessa: „og mörgum fannst vanta tíma þar sem kennari var aðgengilegur utan venjulegs kennslutíma“
- Kemur þetta: „einnig viljum við sjá að minnsta kosti 1 klukkutíma á viku í hverjum skóla, sem færi í svokallaðan stoð- eða verkefnatíma þar sem nemendur hefðu fullt aðgengi að öllum kennurum til aðstoðar við námið.“
Ásgrímur gagnrýnir breytingartillöguna á þeim grundvelli að vinnutími og kennslustundir séu mál sem eru bundin í kjarasamninga kennara. Hjörleifur bendir á að í VMA eru slíkir stoðtímar til, kennarar gefa vinnuna. Stúlkur frá FSU benda á að hægt er að leysa kjarasamningamálið með því t.d. að stytta aðrar kennslustundir. MH bendir á að sú er raunin í MH að aðrar kennslustundir séu styttar til að rýmka fyrir stoðtímum. Eydís hrekur það að við getum ekki barist gegn kjarasamningum kennara, að við eigum rétt á að geta krafist breytinga á þeim líka. Jónína segir marga þurfa á stoðtímum að halda. Nokkrir þingfulltrúa gagnrýna að þetta sé ekki raunhæft, og hví að senda inn óraunhæfa ályktun? Bryndís og Hjörleifur sega stoðtíma raunhæfa, enda séu þeir til í sumum skólum, og ættu að vera til alls staðar. Ásgrímur talar í dágóða stund um að þingheimur tali of mikið og segist vilja fara kjósa um tillöguna. Uppsker fliss í sal.
Breytingartillaga Jónínu samþykkt með 55 atkvæðum gegn engu.
Ályktun um kennsluaðferðir samþykkt með 46 atkvæðum gegn átta, og einu hlutlausu.
Ársreikningar
Sigurbjörg (Sibba) framkvæmdastjóri fer yfir ársreikning SÍF fyrir síðasta reikningsár. Sjá ársreikning í meðfylgjandi þingskjölum. Í þessari fundargerð verða einungis tekin fyrir helstu atriði ársreikningsins, og þau eigindleg gögn sem Sibba setur fram í ræðu sinni og ekki koma fram í megindlegum gögnum þingskjalanna.
- Varðandi rekstartekjur:
- Félagsgjöld lögð niður og veldur það lækkun á tekjum.
- Félagið rekið á styrkjum, auk hagnaðs af bóksölu.
- Von er á endurgreiðslu frá skatti
- Sibba tekur á sig og Hreiðar Má klúður sem varð til þess að dráttarvextir söfnuðust upp.
- Félagið var rekið með hagnaði á síðasta reikningsári.
- Eignir félagsins verða líklega afskrifaðar á næsta ári, vegna aldurs og gjaldfellingar eigna.
- Kreditkort félagsins er einungis notað til þess að versla með hluti sem ekki er hægt að versla með á debetkorti, en annars látið vera.
- Eigið fé SÍF eru tæpar 6 milljónir
- Spurning úr sal: Hví voru félagsgjöld felld niður? Það var ákveðið á síðasta þingi, segir Heiða Karen, vegna þess að mótstaða var gegn félagsgjöldum og talið var að SÍF gæti hæglega verið rekið án þeirra.
- Spurning úr sal: Hvað eru stjórnarlaun? Stjórnarlaun eru ekki laun til stjórnar, heldur til verktaka sem aðstoða við þing, fundi og fleira. Stjórnarmenn þiggja ekki laun en stundum hefur þótt nauðsynlegt að ráða inn auka mannskap tímabundið í kringum einstök verkefni.
10. Spurning úr sal: Hvað er LÆF? Sibba útskýrir í stuttu máli hvað Landsamband Æskulýðs-félaga er og gerir.
11. Spurning úr sal: Hví lækkuðu styrkir milli ára? Það er undir hverri framkvæmdarstjórn komið að safna styrkjum. Á síðasta ári voru framkvæmd sérverkefni hjá Evrópu unga fólksins, samfélaginu frumkvæði og forvarnardeginum og því var sóst eftir fleiri styrkjum en venjulega. Reglulegu styrkirnir hafa ekki lækkað.
12. Spurning úr sal: Hvar er yfirstandandi þing í ársreikningnum? Það er bókað á næsta bókhaldsár. Ráðinn var bókari og nýr framkvæmdastjóri í mars. Næst verður bæði gefinn upp ársreikningur, og sundurliðun á öllum kostnaði með tilliti til verkefna, s.k. aðgreint bókhald. Að blanda viðburðunum saman á ársreikningi gefur oft ranga mynd af hverjum lið, s.s. liðnum „veitingar.“
13. Spurning úr sal: Hvað telst „annað“ undir liðnum árgjald til LÆF/annað? Annað er framlag SÍF til OBESSU, sem fast hlutfall af ársveltu.
14. Spurning úr sal: Var bókhaldið í henglum? Miðað við bókhaldið í ár getur reksturinn ómögulega staðið undir kostnaði. Bent á stórar tölur í m.a. gistingu og fundahaldi. Enginn svör gefin við þeim tölum, en Sibba fullyrðir að reksturinn standi undir sér.
15. Spurning úr sal: Hvað felst í auglýsingakostnaði? Auglýsa þarf viðburði SÍF. Ekkert var auglýst árið áður, þannig að farið var í herferð. Prentuð voru plaköt fyrir bóksöluna. Um leið er gagnrýnt að bóksalan var illa auglýst.
16. Spurning úr sal: Löggiltur endurskoðandi á eftir að fara yfir reikningana, sá háttur verður líklega settur í lög.
17. Athugasemd úr sal: Löggiltur endurskoðandi þyrfti að yfirfara reikningana, þó að sé dýrt. Óháður endurskoðandi er nauðsynlegur. Sibba vill sjá hvernig bókarinn stendur sig áður en það er gert, og svarar fyrir það að ársreiknignurinn í ár sé töluvert betri en í fyrra.
18. Spurning úr sal: Endurgreiðum við ófullnýtta styrki til menntamálaráðuneytis? Nei, en ef ráðuneytið sér að SÍF hefur safnað fé, þá sér það kannski astæðu til að lækka styrki á næstu fjárlögum. Skynsamlegt væri að eiga varasjóð til að safna peningum án þess að mæta lækkun.
19. Spurning úr sal: Hvað orsakar það að alþjóðastarf kostar eitt árið 200 þúsund krónur og það næsta 0 krónur? Mismunandi bókunaraðferðir, í raun. Flug og þess háttar er borgað af SÍF en jafnan endurgreitt af OBESSU o.fl.
20. Athugasemd úr sal: Rúta kostaði helling. SÍF lagði út fyrir rútu sem var tekin á söngkeppni á Akureyri en var endurgreidd af nemendafélögum.
21. Spurning úr sal: Hvað um innbú, áhöld og innréttingar? Vísað í fyrra svar um eignir.
Ársreikningur samþykktur einróma.
Starfsáætlun SÍF
Heiða Karen, ásamt vinnuhóp um framtíð SÍF, kynna verkáætlun. Sjá viðauka með fundargerð.
Ásgrímur vill færa eðli SÍF nær eðli verkalýðsfélaga.
Hlutastarfsmanninum væri æltað 28% starfshlutfall, en sá starfsmaður væri helst í hlutastarfi með námi. Hann væri ekki persónulegur astoðarmaður Sibbu, heldur e.k. verkefnastjóri á álagstímum.
Auka þarf sýnileika SÍF meðal hins almenna nemenda, ekki bara nemendafélagsstjórna. Mikið rætt í hópnum um sýnileika, t.d. í fjölmiðlum. Minnst á að setja upp einskonar spurninga- og upplýsingasíðu (FAQ) um réttindi og hagsmuni framhaldsskólanema.
Viðbragðsáætlun væri til þess fallin að hraða viðbrögðum, en gagnrýnt er að verkferlar innan SÍF hafa átt það til að vera silalegir.
Varðandi ábyrgð skólameistara: Á þetta er að reyna núna í Borgó-formannsmálinu, þar sem formanni nemendafélags Borgó hafði verið vísað úr skóla og gert að segja upp formannsembættinu fyrir það að mæta undir áhrifum á skólaball.
Með námskeiði fyrir framkvæmdarstjórn er átt við að nýja stjórnin mun fara á námskeið hjá fagmanni í rekstri félagasamtaka.
Með vitundarvakningu er átt við það þegar nokkrir einstaklingar sóttu um styrk í sumar til þess að búa til kynningarefni um SÍF og réttindi námsmanna. Gert er ráð fyrir þessu í rekstraráætlun.
Hjörleifur kemur því að að virkja skuli SÍFarana. SÍFarar munu fá í hendurnar kynningarefni og leiðbeiningar um sín störf.
Gagnýni frá MR: verkáætlunin er frábær, en fyrsta ályktunin sem þingið samþykkti (og raunar flestar ályktanir SÍF) er ekki í takt við áætlunina og gefur ekki þann alvarlega tón sem verkáætlunin vill gefa (sérstök athugasemd gerð við ákvæði um heimilislegri stofur). Eydís svarar því að ályktanirnar eigi við um framhaldsskólanema, og SÍF reyni að vera breiðfylking nemenda, ekki einsleit samtök.
Spurning úr sal: er hlutastarfsmaðurinn ekki of mikil peningasóun? Heiða svarar: Nei, þetta hefur verið rætt í gríð og erg. Hugmyndin er sú að starfsmaðurinn muni efla starfsemina og á endanum borga sig, þar sem framkvæmdastjórnin er öll í námi og hefur ekki mikinn tíma aflögu, auk þess sem framkvæmdastjóri getur ekki ráðið við allt einn. Hægt væri að ráða PR-sérfræðing, lögfræðing eða annan fagmann sem myndi á endanum spara pening og fyrirhöfn. Gott að framkvæmdastjóri hafi annan hug til að vinna með. Ef maður vinnur einn þá verður maður lokaður í „þankakassa.“ Einn maður missir þráðinn, tveir hvetja hvor annan, og hafa örvandi vitræn áhrif hvor á annan. Hlutverk hans verður skilgreint í ráðningarsamningi og myndi starfsmaðurinn sjá m.a. um bóksölu.
Þengill segir ekki nauðsyn að ráða starfsmann, því SÍF geri hvort eð er aldrei neitt. Svar framkvæmdastjórnar er að SÍF geri margt og að Þengill þurfi greinilega að kynna sér störf SÍF betur, og að ráðning hlutastarfsmanns sé einmitt leiðin til þess að SÍF geti gert meira. Þengill gagnrýnir starfshlutfallið og launakostnaðinn (sem nemi 55% af núverandi rekstri).
Verkáætlun samþykkt einróma.
Fjárhagsáætlun SÍF
Heiða Karen býður upp á spurningar og athugasemdir um fjárhagsáætlun. Sjá fjárhagsáætlun í viðauka.
Eydís vill sleppa því að reyna að fá framhaldsskólanema til þess að hanna nýtt merki SÍF vegna þess að það mistókst síðast þegar hún reyndi það. Hún kallar það vonlaust að virkja framhaldsskólanemendur. Mælir fremur með því að ráða frænda sinn fyrir lág laun. Ásgrímur býður fram grafíska hönnuði úr MS.
Ásgrímur spyr: Í hvað fara 75.000 krónur á 1. maí? Heiða svarar : Við komum inn sem fulltrúar iðnnema og það er mikilvægt að SÍF tali fyrir þeirra hönd á verkalýðsdegi. Peningurinn fer í auglýsingar um málefnin, kaffi og með því. Leitað verður eftir styrkjum fyrir þessum pening, m.a. kaffi. Kostnaðaráætlunin gerir ráð fyrir algjörum hámarksfjárútlátum.
Spurning úr sal: Í hvað fer kostnaður við fundi? Matur, fundargögn, ferðakostnaður. Gerð athugasemd við það að ferðakostnaður verði bókaður sér, hann sé í raun þjónusta við nema af landsbyggðinni.
Hugmynd Eydísar um að ráða frekar frænda sinn sen framhaldsskólanema er gagnrýnd úr sal, nokkrir bjóðast til að hanna merki. Salurinn leysist upp í muldur um merki SÍF og ummæli Eydísar. Niðurstaða þingheims er sú að hönnunarsamkeppni um merki SÍF gæti verið góð leið til þess að kynna SÍF í leiðinni fyrir framhaldsskólanemum.
Athugasemd: Styrkur frá menntamálaráðuneytinu berst á það slæmum tíma að ef reikningurinn kæmi út á núlli fyrir lok rekstarárs, væri ekki til neinn peningur í fimm mánuði.
Spurning úr sal: Er SÍF á fjárlögum eða erum það á þjónustusamningi hjá ráðuneytinu? SÍF er á fjárlögum og á samningi gegn því að sinna vissum skyldum fyrir nema.
Eydís heldur áfram að rífast um merkjamálið. Stungið er upp á t.d. facebook-like leik til að leysa málið.
Fjárhagsáætlun samþykkt einróma.
Dagskrárbreytingartillaga
Þingforseti stingur upp á að gert verði fimm mínútna hlé fyrir lagabreytingar. Samþykkt með lófataki.
Lagabreytingar
Þær lagabreytingatillögur sem lágu fyrir þinginu má sjá í meðfylgjandi þinggögnum.
Heiða Karen byrjar á því að kynna þær lagabreytingatillögur sem bárust frá framkvæmdastjórn og þær hugleiðingar sem lágu að baki þeim.
a) 4. Grein. engin athugasemd
b) 7. Grein. Ekki þótti ástæða eða tilefni til að SÍF væri miðstjórnarvald í málefnum einstakra nemendafélaga. Fullnægjandi heimild til að SÍF geti gripið inn í hjá nemendafélögum er til staðar í brottvísunarákvæði í lokakafla.
c) 8. Grein. Ekki réttlætanlegt að skólastjóri geti tekið þessa ákvörðun. Ákvörðun á að vera í höndum nemendafélags, ekki skólastjórnar.
d) 11. Grein. Breytt vegna aukins fjölda aðila í SÍF.
e) 12. Grein. Undirstrikað hvernig skriflega boðunin berst.
f) 18. Grein. Bætt við að ráðgjafar geti gripið inn í.
g) 20. Grein. Eðlilegt þótti að fækka þingfulltrúum örlítið vegna aukins fjölda félaga í SÍF.
h) 21. Grein. Eðlileg krafa um að framkvæmdastjórn hafi tíma til að gera ráðstafanir í kring um þingið, en að flestir geti þó mætt.
i) 23. Grein. Óþarfi að taka þetta fram.
j) 25. Grein. Einráð skóla getur valdið hagsmunaárekstrum.
k) 29. Grein. Fjöldi stjórnarmanna hefur breyst og því eðlilegra að miða við hlutfall stjórnarmanna frekar en fasta tölu sem á ekki lengur við.
l) 30. Grein. Breyting í takt við verkáætlunina.
m) 32. Grein. Eitthvað sem er þegar gert, og ætti alltaf að vera gert, en er nú verið að skerpa á í lögum.
n) 36. Grein. Í raun tvítekning. Breyting í takt við fyrri breytingar.
- o) 37. Grein. Engin athugasemd.
p) 43. Grein. Engin athugasemd.
q) Ný grein. Engin athugasemd.
r) 48. Grein. Eðlilegt þykir að félög geti óskað eftir því að lagabreytingar verði teknar upp. Greinin er öll til einföldunar á lagabreytingarferlinu.
s) 51. Grein. Formsatriði.
Sindri Snær Einarsson, ráðgjafi SÍF, útskýrir þingsköp kosninga. Því næst fara fram umræður og kosningar um lagabreytingartillögur.
a) 4. Grein. Ásgrímur bendir á að þessi breyting útiloki það að fólk sem ekki stundar nám á framhaldsskólastigi (snýkjudýr eins og hann orðar það) geti gengt ábyrgðarstöðum innan SÍF, en útilokar ekki iðnnema í starfsþjálfun. Breytingin samþykkt með 65 atkvæðum gegn einu hlutlausu.
b) 7. Grein. Hjörleifur telur greinina óarfa og styður því að hún sé tekin út. Bendir á heimild um úrsögn úr félaginu, sem sinnir í raun sama hlutverki. Breytingin amþykkt með 58 atkvæðum gegn níu hlutlausum.
c) 8. Grein. Ásgrímur ítrekar að rektor er ábyrgðarmaður en ætti ekki að hafa neitt með félagið að gera. Breytingin samþykkt með 64 atvæðum gegn þremur hlutlausum.
d) 11. Grein. Engar umræður. Breytingin samþykkt með 67 atkvæðum gegn einum hlutlausum.
e) 12. Grein. Engar umræður. Breytingin samþykkt með 65 atkvæðum gegn þremur hlutlausum.
f) 18. Grein. Engar umræður. Breytingin samþykkt með 54 atkvæðum gegn 14 hlutlausum.
g) 20. Grein. Stefán Snær Stefánsson, forseti Nemendafélags FG, dregur í efa að fjölmennari skólar hafi endilega meira um málið að segja. Atli Steinn mælir gegn þessari tillögu. Heiða Karen mælir með tillögunni á þeim grundvelli að minni skólar missa ekki réttindi sín. Eydís bendir á að stærri skólar fá í raun ekki meiri réttindi, heldur er essi grein til þess fallin að fækka þingfulltrúum. Breytingin samþykkt með 37 atkvæðum, gegn 18 andvígum og 12 hlutlausum.
h) 21. Grein. Hjörleifur styður þetta vegna þess að þetta minnkar umstang og vesen við að undirbúa þingið. Það er vesen að halda þing og þetta, ásamt 4. Grein, er hvatning fyrir nemendafélög til að drífa sig að skrá sig. Breytingin samþykkt með 59 atkvæðum gegn 8 hlutlausum.
i) 23. Grein. Heiða Karen rekur sögu uppstillingarnefndar og það hvernig hún breyttist í hvatningarnefnd í síðasta þingi. Breytingin samþykkt með 62 atkvæðum gegn 2 andvígum og 3 hlutlausum.
j) 25. grein, ný grein. Þengill og fleiri benda á að það ætti ekki að skipta máli úr hvaða skóla maður er, því maður er fulltrúi allra framhaldsskólanema. Heiða tekur undir það en tekur fram að það er möguleiki á hagmunaárekstrum ef stjórnin er einsleit. Natan er andvígur tillögunni og bendir á aðstæðurnar sem upp komu í varaformannskjöri LÆF fyrr á árinu. Eydís mælir með greininni, og bendir á að einsleitni myndi leiða að glötun innsæis, veltir fyrir sér aðstæðum iðnnema og hvort þeirra rödd heyrist í framkvæmdastjórn. Þengill og fleiri benda á að allir skólar hafa kosningarétt í slíku hlutfalli að klíkuskapur á ekki að geta myndast í stjórnarkjöri. Natan segist skyndilega fylgjandi greininni því hann áttaði sig á því að takmörkunin er við þrjá en ekki einn. Heiða bendir á tíðni sjálfkjörs. Hjörleifur bendir á að iðnnemum fari fækkandi og nauðsyn þess að þeir hafi fulltrúa. Breytingin felld með 30 atkvæðum gegn, 6 hlutlausum og 30 með. Salur krefst endurtalningar og um það er kosið. Endurtalningartillaga felld með 39 atkvæðum gegn 27.
k) 29. Grein. Engar umræður. Breyting samþykkt með 59 atkvæðum, gegn 1 andvígu og 6 hlutlausum.
l) 30. Grein. Engar umræður. Breyting samþykkt með 64 atkvæðum gegn 2 hlutlausum.
m) 32. Grein. Hér er um að ræða viðbót, ekkert fellt út, segir Heiða Karen. Breyting samþykkt með 62 atkvæðum gegn 4 hlutlausum.
n) 36. Grein. Heiða Karen segir að í greininni sé í raun lýst stjórnarfundum en ekki framkvæmdarstjórnarfundum og því ætti að henda henni út. Breyting samþykkt einróma.
- o) 37. Grein. Umræður um lagatæknileg atriði. Óvissa hvort þessi grein sé of lík 30. grein sem áður var búið að samþykkja. Enginn mótfallinn því að greinarnar séu skoðaðar í sitthvoru lagi. Samþykkt er með 56 atkvæðum gegn 10 hlutlausum að þessi grein sé ekki of lík 30. grein og þær skoðast því í sitthvoru lagi. Heiða Karen leggur fram breytingartillögu við breytingartillöguna: númer greinarinnar verði 31, svo að hún komi í beinu framhaldi af grein 30 og númer allra greina eftir hana síðan löguð. Hjörleifur talar enn um virkni SÍFara. Breytingartillaga við breytingartillögu samþykkt einróma. Breytingin síðan samþykkt með 63 atkvæðum gegn þremur hlutlausum.
p) 43. Grein. Ný grein. Engar umræður. Samþykkt með 57 atkvæðum gegn 9 hlutlausum.
q) 43. Grein. Gömul grein. (númer greinar breytist). Engar umræður. Samþykkt með 49 atkvæðum gegn 17 hlutlausum.
r) 45. Grein. Ný grein. Engar umræður. Greinin er felld með 4 andvígum atkvæðum gegn 31 fylgjandi og 30 hlutlausum.
s) 48. Grein. Ásgrími þykir fáránlegt að ákveðinn hópur fái meira að segja en aðrir. Þengill bendir á að fólk þurfi að mæta á þing til þess að mynda skoðanir, og geti jafnvel ekki verið tilbúið með tillögur fyrir þing. Heiða bendir á að lagabreytingar eru teknar fyrir seint á þingi þannig að nægur tími er til þess að mynda skoðanir, og að ef menn vilji breyta þá skuli þeir fara í lagabreytingarhóp. Þetta fyrirkomulag sé nauðsynlegt til að skipulag þingsins sé auðvelt. Spurt er: Hví að hafa þá þennan tveggja vikna frest? Natan bendir á fyrirkomulagið í öðrum félagasamtökum, og vil ekki að stjórn geti sent inn tillögur fram í rauðan dauðan ef aðrir geta það ekki. Mikil andstaða við þessa grein í þingheimi. Umræða um lög er frjóust á þingfundi svo eðlilegt þætti að fá að ræða lögin á þingi, og senda svo inn tillögu. Heiða segir þessa tillögu ekki fulkomna, en þó lýðræðislegri en sú sem fyrir stendur. Bjarnþór Ingi leggur fram breytingartillögu á breytingartillögunni: orðinu stjórn verði skipt út fyrir framkvæmdastjórn. Ásgrímur leggur fram breytingartillögu (1): „Ósk um að lagabreytingar verði teknar fyrir skal berast stjórn…“ verði skipt út fyrir „lög félagsins skulu endurskoðuð á hverju aðalþingi.“ Ásgrímur leggur fram aðra breytingartillögu (2): Greinin í heild verði: „Lög félagsins skulu vera endurskoðuð árlega berist tillögur um lagabreytingar til framkvæmdastjórnar eigi síður en hálftíma fyrir lagabreytingarfund.“ Síðast nefnda tillagan gengur lengst og um hana er kosið fyrst. Almenn sátt er með seinni breytingartillögu Ásgríms (2), en margir draga í efa að hægt sé að setja saman dagskrá þings með þessu móti. Ásgrímur útskýrir að hægt væri að gera ráð fyrir miklum tíma í lagabreytingarfund, en ef þurfa þykir megi sleppa því. Natan undirstrikar mikilvægi þess að fólk taki sér tíma löngu fyrir þing til þess að kynna sér lögin og að það sé veittur langur tillögufrestur. Við tekur ógurlegt málþóf þar sem allir tala í kapp við hver annan og ómögulegt reyndist að rita fundargerð í rúmt kortér. Seinni breytingartillaga Ásgríms samþykkt einróma, og aðrar breytingartillögur eru því felldar sjálfkrafa. Breytingin síðan samþykkt með 40 atkvæðum gegn 13 hlutlausum og 12 andvígum.
t) 51. Grein. Engar umræður. Samþykkt með lófataki.
Hlé gert á þingfundi 17:20
Í hléi er tekið við framboðum til trúnaðarstarfa innan SÍF. Í framboði eru:
a) Formaður – Andri Steinn Hilmarsson (MS) og Hjörleifur Harðarson (VMA).
b) Ritari – Eva Brá Axelsdóttir (Kvennó).
c) Gjaldkeri – Natan Kolbeinsson (FÁ) og Níels Þóroddsson (FG).
d) Alþjóðafulltrúi – Eydís Helga Árnadóttir (FB), Lilja Björk Jónsdóttir (FÁ) og Þórarinn Gunnarsson (FS).
e) Forvarnafulltrúi – Alexandra Herbertsdóttir (FS).
f) Verkefnastjórar – Davíð Þór Katrínarson (FB) og Tinna Bergmann (FS).
g) Aðalstjórn – Andri Steinn Harðarson (FS), Bryndís Torfadóttir (Kvennó), Halldór Atlason (VÍ), Ísak Einar Rúnarsson (FG), Jóhanna Fanney Hjálmarsdóttir Weldingh (VA), Stefán Snær Stefánsson (FG) og Þengill Björnsson (MR).
h) Varastjórn – Ásgrímur Hermannson (MS), Kristinn Þór Kristinsson (FG) og Sigurbjörg Selma Sigurðsdóttir (FG).
i) Ráðgjafar – Atli Steinn Bjarnason og Heiða Karen Sæbergsdóttir.
Framboðsræður og kosningar 17:45
Formannsefni, ritaraefni og gjaldkeraefni héldu framboðsræður. Ekki þótti ástæða til að rita niður efni þeirra ræðna. Niðurstöður kosninga eru eftirfarandi:
a) Formaður er réttkjörinn Andri Steinn með 40 atkvæði gegn 23 atkvæðum Hjörleifs. Auðir seðlar og ógildir voru 2.
b) Ritari er sjálfkjörin Eva Brá.
c) Gjaldkeri er réttkjörinn Níels með 35 atkvæði gegn 24 atkvæðum Natans. Auðir seðlar og ógildir voru 5.
d) Eydís dregur framboð sitt til alþjóðafulltrúa til baka og býður þess í stað fram til ráðgjafaráðs. Alþjóðafulltrúi er réttkjörin Lilja Björk með 32 atkvæði gegn 29 atkvæðum Þórarins. Auðir seðlar og ógildir voru 2.
e) Forvarnafulltrúi er sjálfkjörin Alexandra.
f) Verkefnastjórar eru sjálfkjörin Tinna og Davíð.
g) Í aðalstjórn eru sjálfkjörin Halldór, Jóhanna Fanney, Andri Steinn, Stefán Snær, Ísak Einar, Þengill og Bryndís.
h) Í varastjórn eru sjálfkjörin Sigurbjörg, Kristinn og Ásgrímur.
i) Ráðgjafar eru sjálfkjörin Heiða Karen, Atli Steinn og Eydís Helga.
Önnur mál
MH-ingar skora á nýkjörna stórn að fjalla um brottvísun ritstjórnar „Heróínpésans.“
Þingheimur stingur upp á umræðu um áfengismæla, en Heiða Karen telur best að það verði rætt á komandi þinghófi og bendir á nýsamþykkta ályktun um mælana.
Heiða Karen ber upp eftirfarandi áskorun: „Fimmta aðalþing SÍF skorar á nýkjörna framkvæmdastjórn að skipa fimm manna nefnd sem tekur fyrir lög sambandsins og stefnumótun þess. Nefndin skal skipuð af stjórn og leggja tillögur sínar fyrir vinnuhóp á aðalþingi SÍF 2012.“ Áskorunin er samþykkt með lófataki.
Þingforseti leggur til að næsta SÍF-þing verði í lok september á næsta ári. Tillagan samþykkt með lófataki
Þingi slitið 19:07
Þinghóf haldið í sal Framsóknarflokksins klukkan 20:00
Viðauki 1 – Ályktun um aðgengi að menntun
Fimmta þing SÍF ályktar að nemendur eigi að hafa jafnan rétt á inngöngu í framhaldsskóla óháð búsetu.
Með því að takmarka ekki aðgang að skólum með hverfaskiptingu má auka fjölbreytni
framhaldsskólanna og veita fólki þannig rétt á að velja sér nám sem hentar því best eftir því hvernig námsframboð tiltekinna skóla er sérhæft. Sérhæfingu skóla telur SÍF kost. Það á sérstaklega við á höfuðborgarsvæðinu, en sá fjöldi skóla sem þar er á tiltölulega litlu svæði býður upp mikla sérhæfingu skóla, án þess að valda óþægindum fyrir nemendur.
SÍF vill að sama námsframboð verði í hverjum landsfjórðungi svo lengi sem þar sé eftirspurn. Ef eftirspurn eftir ákveðnu námi í hverjum landshluta er ekki næg, eiga yfirvöld að hjálpa fólki að finna aðra lausn á að klára námið þitt, til dæmis með fjarnámi eða styrkjum.
Þótt oft sé erfitt fyrir nemendur að koma sér í og úr skóla sem þeir fá aðgang í, telur SÍF það frekar merki um að bæta þurfi samgöngur, heldur en að mismuna eigi nemendum eftir því hvar foreldrar þeirra eiga lögheimili. SÍF telur að inntaka nemenda í framhaldsskóla eigi að fara eftir einkunnum og getu, enda séu það bestu viðmið um námshæfi sem völ er á. Þar sem grunnskólar nota oft mismunandi aðferðir við að gefa einkunnir telur SÍF samræmd lokapróf í grunnskólum vera frábæra lausn á inntökuvandanum, enda gefa þau nemendum jöfn tækfæri fyrir inntökuferlið auk þess sem prófin eru hvetjandi fyrir grunnskóla að gera betur.
SÍF telur að eldri nemendum ætti að vera boðið upp á inntökupróf og stöðupróf kjósi þeir að fara aftur í framhaldsskóla, þar sem ekki er hægt að taka mið af grunnskólaeinkunum þeirra.
SÍF telur að bæta verði samgöngur með því að gera almenningssamgöngur á höfuðborgarsvæðinu aðgengilegri, til dæmis með því að fjölga leiðum og tíðni ferða. Efla þarf samgöngur milli sveitarfélaga svo nemar á landsbyggðinni geti stundað nám utan sinnar heimabyggðar og um leið haft aðsetur í sínum heimabæ. Gera verður samgöngukerfið eins aðgengilegt fyrir námsmenn og hægt er svo það hamli þeim ekki í námi. SÍF telur að strætó eigi að vera ókeypis fyrir námsmenn. Ferðir milli sveitarfélaga eiga einnig að vera ókeypis fyrir námsmenn þegar þeir að stunda nám fjarri sínum heimabæ. Fjölga verður ferðum rúta milli byggðarkjarna til að auka ferðafrelsi nemenda og gera almenningssamgöngur aðgengilegri fyrir nemendur. Skólar verða að koma til móts við þá sem reyða sig á einkabíl með því að fjölga bílastæðum í kringum skóla. SÍF leggur samt áherslu á að almenningssamgöngur eigi að njóta forgangs og telur þær betri kost en einkabílinn.
Aðalþing SÍF álítur fjárhagstöðu nemenda í framhaldsskólum slæma eins og annarra í þjóðfélaginu. Aðalþing SÍF telur að koma verði til móts við nemendur svo þeir geti haldið áfram í námi. SÍF telur að menntun eigi að vera aðgengileg öllum óháð kostnaði. Taka skyldi tillit til falins kostnaðar, svo sem bóka, matar, samgangna, efnisgjalda og alls aukakostnaðar við iðnám.
Viðauki 2 – Ályktun um kennsluaðferðir
Fimmta þing SÍF ályktar að miklu þurfi að breyta í aðferðum kennara í nálgun námsefnis.
SÍF telur að umhverfi í kennslustundum þurfi að vera heimilslegt og létt og að kennarinn sé þægilegur í umgengni. SÍF telur að menntamálaráðuneytið ætti að bjóða upp á námskeið í kennsluaðferðum fyrir kennara á hverju kennsluári til að auka fjölbreytni í aðferðum. Einnig vill SÍF skipta stærri hópum í kennslustundum í minni hópa, þar sem kennari getur ráðlagt nokkrum nemendum saman í staðinn fyrir að lenda í tímaþröng í kennslustund við að aðstoða alla. Gott væri að setja nemendur sem eru á sama stigi í áfanganum saman í hóp.
Í vissum fögum væri hægt að bjóða upp vettvangsferðir og aðra verklega kennslu, sem hjálpar nemendum að sjá fyrir sér aðstæður, svo auðveldara sé að tengja saman rit og raun.
SÍF telur tilbreytingarleysi í kennslu koma niður á athygli og einbeitingu nemenda. Nemendur vilja opna samræðutíma til að tengjast námsefninu betur og þykir SÍF vanta tíma þar sem kennarar eru aðgengilegir utan venjulegra kennslustunda. Til þess að gera nám skilvirkara fyrir framhaldsskólanemendur er mikilvægt að nemendur fái að meta kennara mánaðarlega svo kennarinn fái yfirlit yfir það sem má bæta frá sjónarhorni nemenda. Einnig gefur það nemendum meira sjálfstraust og vilja til að standa sig betur ef þeir sjá bættar aðferðir sem þeir höfðu áhrif á.
SÍF telur að kennslustundir sem standa yfir í klukkutíma án hlés séu viðunandi en þegar kennslustundir standa yfir 80 mínútur er æskilegt að taka að minnsta kosti 5 mín hlé á 40 mín fresti til að nemendur fái hreyfingu og viðhaldi einbeitingu í tíma. SÍF telur að yfir vetrartímann ætti að seinka klukkunni um eina klukkustund ( 1.sept – 1.maí).
Viðauki 3 – Ályktun um þátttöku nemenda í störfum nemendafélaga
Fimmta aðalþing SÍF ályktar að efla þurfi þáttöku nemenda í félagsmálum. Ýmsar leiðir má fara til þess að efla þátttöku nemenda í viðburðum á vegum nemendafélaga.
Í fyrsta lagi þarf að efla nemendafélagsstjórnir, því ef þær eru ekki nægilega virkar þá geta þær ekki búist við því að aðrir nemendur hafi áhuga á að taka þátt í félagslífi.
Í öðru lagi þarf að leggja mikinn metnað í auglýsingar, hafa þær sem frumlegastar og sem mest áberandi. Nota má ýmsar aðferðir til að auglýsa viðburði, meðal annars Facebook, en einnig að tala persónulega við nemendur í skólunum og hvetja þá til að mæta á viðburði. Mikilvægt er að gera nemendafélagskosningar sem stærstar, því þá skapast meiri stemming meðal nemenda, sem veldur því að fleiri bjóða sig fram. Í byrjun haustannar hvers árs þarf að virkja nýnema bæði í mætingu á viðburði og einnig í þátttöku í félagsstörfum, til dæmis með busaviðtölum, þar sem allar nefndir innan nemendafélagsins taka að sér einn busa á önn. Til að auka stemmingu fyrir framhaldskólakeppnum, eins og MORFÍS eða Gettu Betur, er sniðugt að stofna stríðsnefndir eða klappnefndir, sem sjá um að mynda stemmingu í skólunum fyrir keppnir. Einnig er hægt að virkja ljósmynda- og myndbandanefndir til að festa á filmu ýmsa viðburði hjá þessum nefndum og sýna myndirnar fyrir keppnir. Auk þess er mikilvægt að fá sem flesta til að taka þátt í inntökuprófunum fyrir stórar keppnir eins og Gettu Betur og MORFÍS.
Jákvæðar forvarnir eru mjög mikilvægar. Meðal annars mætti hafa edrú verðlaunapott. Þar sem meðalaldur nemenda í iðnskólum er hærri en í flestum öðrum skólum væri sniðugt ef þeir myndu halda sínar eigin sýningar eða keppnir, til dæmi hönnunarkeppni.
Til að auka þáttöku nemenda í SÍF þarf SÍF fyrst og fremst að verða áberandi, meðal annars með útgáfu nemendaskírteina.
Viðauki 4 – Verkáætlun SÍF 2011-2012
[Markmið næsta skólaárs:
- Styrkja stöðu SÍF enn frekar á öllum sviðum
- á meðal nemenda, í Menntamálaráðuneytinu og samfélaginu í heild
- Auka vitund meðal nemenda um réttindi sín og hvert þeir geti leitað
- Vera enn virkara og gagnrýnna í hagsmunagæslu og réttindabaráttu
- Auka aðild og áhrif nemenda á stefnumótun í mennta- og æskulýðsmálum
- Bæta enn frekar við þekkingu innan SÍF sem nýtist við eflingu starfseminnar
- Skýra ábyrgð skólameistara
- Skýra uppbyggingu og hlutverk nemendafélaga
Í því felst að…
Ráða starfsmann í hlutastarf
Starfsmaður aðstoðar framkvæmdastjóra í daglegu starfi og sérstaklega á álagstímum. Hans hlutverk væri einnig að taka að sér verkefni fyrir tilstilli framkvæmdastjórnarinnar til að efla starf SÍF enn frekar.
Taka virkan þátt í samstarfi við Menntamálaráðuneytið
Nýta enn fremur tækifæri sín til að koma málefnum og skoðunum nemenda á framfæri í Menntamálaráðuneytinu og veita virka mótspyrnu þegar ástæða er til.
Kynna SÍF meðal nemenda
Sífarar kynni SÍF á fjölbreyttan og áhugaverðan máta fyrir samnemendum sínum, s.s. með því að sýna kynningarmyndbönd sem framkvæmdastjórn úthlutar þeim. SÍF kappkosti einnig við að koma sér á framfæri meðal nemenda, m.a. með því að kynna sig í aðildarfélögum sínum eins og frekast er unnt.
Auka sýnileika SÍF í fjölmiðlum
SÍF taki virkan þátt í samfélagslegum umræðum sem snerta nemendur. SÍF komi sér á framfæri þegar færi gefst og upphefji opinberar umræður um málefni nemenda.
Koma málefnum á framfæri á óhefðbundinn máta
T.d. með viðburðum líkt og tónleikum eða uppistöndum í samvinnu við Sífara.
Viðhalda virku starfi með fulltrúum nemendafélaganna
Stjórnarfundir, formannafundir og formannanámskeið. Virkja Sífara á þeim vettvangi.
Efla ímynd SÍF
Nýtt merki SÍF og út frá því ný heimasíða, fánar, bæklingar, nafnspjöld, myndbönd o.fl.
Bæta efni heimasíðu til muna. Þ.m.t. að taka saman upplýsingar um réttindi nemenda, þ.e. setja þær fram á auðskiljanlegan máta og vísa í lög og reglugerðir. Nýta heimasíðu einnig til að svara algengum spurningum nemenda.
Setja upp viðbragðsáætlun
Útbúa viðbragðsáætlun sem skýrir æskileg viðbrögð SÍF, skref fyrir skref, þegar upp koma vafamál.
Viðhalda tengslum við OBESSU
Þátttaka í þingi, stjórnarfundum og öðru sem framkvæmdastjórn telur að nýtist SÍF.
Skýra ábyrgð skólameistara
Túlka lagaákvæði um ábyrgð skólameistara og valdheimildir gagnvart nemendafélögunum í samráði við Menntamálaráðuneyti.
Auka samvinnu nemenda, SÍF og skólayfirvalda
SÍF setji sig í samband við skólayfirvöld, auki samvinnu og veiti þeim aðhald. Leitast verði eftir því að skólayfirvöld taki virkan þátt í kynningu á SÍF. SÍF komi málefnum nemenda á framfæri á þeim vettvangi sem öðrum. Þar gegna Sífarar einnnig veigamiklu hlutverki.
Verkefni SÍF skólaárið 2011-2012
Námskeið fyrir framkvæmdastjórn - október
Fundur með Mennamálaráðherra – október/nóvember
1. stjórnarfundur - október
Vitundarvakning - október – nóvember
Alþjóðlegur dagur námsmanna - 17. nóvember
2. stjórnarfundur - mars
Forvarnardagur – febrúar/mars
Formannafundur - mars
1. maí - maí
Söngkeppni framhaldsskólanna – apríl/maí
Menningarnótt - ágúst
Formannanámskeið – september
Aðalþing - september
Viðauki 5 – Fjárhagsáætlun SÍF 2011-2012
https://docs.google.com/a/neminn.is/spreadsheet/ccc?key=0AljurgfQ3-dDdFBzZ1hfUjZVNHpUSlFVVnBud0loNnc&hl=en_US#gid=0
Viðauki 6 – Þingskjöl
Þau þingskjöl sem hér fylgja með eru:
- Dagskrá þingsins
- Lagabreytingartillögur þingsins
- Ársskýrsla framkvæmdastjórnar
- Ársreikningar SÍF
Aðalþing SÍF
16. – 17. september 2011
Haldið í Menntaskólanum við Hamrahlíð
Föstudagur
13:00 Fundargögn afhent
13:30 5. þing SÍF sett
13:35 Kjörbréfanefnd skilar áliti
Kosning 1. og 2. þingforseta
Kosning 1. og 2. þingritara
13:50 Kosning hvatningarnefndar
14:00 Stöður í framkvæmdastjórn og aðrar opnar stöður kynntar
Opnað fyrir skráningu til viðtals við hvatningarnefnd
14:20 Skýrsla framkvæmdastjórnar
14:30 Kynning á starfi framkvæmdastjóra
14:40 Kynning á vinnuhópum
14:50 Hópefli
15:30 Kaffihlé – Skráning í vinnuhópa
15:50 Hópastarf hefst
17:10 Kaffihlé
17:25 Vinnuhópar hefjast aftur
20:00 Kvöldmatur
Staðsetning: Laundromat
21:00 Lights on the rights bus tour
Staðsetning: Hitt húsið
Laugardagur
09:00 Morgunmatur
09:30 Hópefli
09:45 Þingfundi framhaldið
Vinnuhópar ljúka við ályktun og annan frágang
11:00 Kosið um aðildarumsóknir
11:30 Ályktun vinnuhóps um aðgengi að menntun kynnt
12:00 Ályktun vinnuhóps um kennsluaðferðir kynnt
12:30 Hádegismatur
13:30 Ályktun vinnuhóps um þátttöku nemenda kynnt
14:00 Farið yfir fjárhagsskýrslu
14:30 Verkáætlun og fjárhagsáætlun kynnt
15:00 Lagabreytingatillögur kynntar
16:00 Kaffihlé – Tekið við framboðum
16:20 Framboð kynnt
Kjör í trúnaðarstöður
16:50 Önnur mál
17:30 5. þingi Sambands íslenskra framhaldsskólanema slitið
20:00 Þinghóf
Staðsetning: Hverfisgata 33
Vinnuhópar
Framtíð SÍF
Hópurinn mun taka verkáætlun og fjárhagsáætlun næsta árs fyrir. Auk þess að sjá um aðra umræðu lagabreytingatillagna. Með öðrum orðum: rætt verður hvað SÍF á að gera á þessu skólaári, í hvað peningarnir eiga að fara og hvaða reglum (lögum) farið verður eftir.
Aðgengi að menntun
Aðgengi er gífurlega víðþætt hugtak og væri ómögulegt að telja upp allt sem gæti fallið undir þennan hóp. Fyrst og fremst mun umræðan byggjast á jafnrétti þegar kemur að aðgengi að menntun, má þar nefna aðgengi minnihlutahópa, aðgengi eftir búsetu, greind eða fjárhag.
Kennsluaðferðir
Hvað ræður því að eitt fag er skemmtilegt og hitt algjör pína? Hvaða áhrif hafa mismunandi kennsluaðferðir? Hvernig viljum við, framhaldsskólanemendur, að kennslu okkar sé háttað? Þessar spurningar og fleira til verður tæklað í þessum vinnuhóp. Hér gerum við allt eftir okkar eigin höfði.
Þátttaka nemenda
Í hópnum munu fara almennar umræður um hvernig hægt er að bæta þáttöku nemenda í nemendafélögum og SÍF, einnig verður rætt um núverandi þáttöku í hinum ýmsu framhaldsskólum og mismunandi leiðir sem þeir nýta til að lokka fleiri nemendur á skemmtanir.
Lagabreytingatillögur
3. kafli – Aðalþing
11. gr
Aðalþing hefur æðsta vald í öllum málum SÍF. Aðalþing er lögmætt ef það hefur verið löglega boðað sbr. 13.gr. Þingfundur er lögmætur ef 2/3 aðildarfélaga er skráð á þingið og einungis ef 2/3 þingfulltrúa eru mættir. Þegar fundur er settur skal þingforseti ganga úr skugga um að fundurinn sé lögmætur. Ekki er heimilt að vefengja lögmæti fundar sem þingforseti hefur úrskurðað lögmætan og gildir það jafnt þótt fækkað hafi á fundinum.
Breytingatillaga
Aðalþing er lögmætt ef það hefur verið löglega boðað sbr. 12. gr. Þingfundur er lögmætur ef meirihluti aðildarfélaga er skráð á þingið og einungis ef 2/3 þingfulltrúa eru mættir.
11. gr
Aðalþing hefur æðsta vald í öllum málum SÍF. Aðalþing er lögmætt ef það hefur verið löglega boðað sbr. 12. gr. Þingfundur er lögmætur ef meirihluti aðildarfélaga er skráð á þingið og einungis ef 2/3 þingfulltrúa eru mættir. Þegar fundur er settur skal þingforseti ganga úr skugga um að fundurinn sé lögmætur. Ekki er heimilt að vefengja lögmæti fundar sem þingforseti hefur úrskurðað lögmætan og gildir það jafnt þótt fækkað hafi á fundinum.
4. kafli – Aukaþing
18. gr.
Aukaþing skal stjórn kalla saman þegar henni þykir þurfa eða ¾ sambandsfélaganna krefst þess skriflega.
Breytingatillaga
Aukaþing skal stjórn kalla saman þegar henni þykir þurfa eða ef ráðgjafar eða ¾ aðildarfélaganna krefst þess skriflega.
18. gr.
Aukaþing skal stjórn kalla saman þegar henni þykir þurfa eða ef ráðgjafar eða ¾ aðildarfélaganna krefst þess skriflega.
5. kafli – Fulltrúakjör
20. gr.
Formaður og Sífari viðkomandi aðildarfélags eru sjálfkjörnir sem þingfulltrúar.
Formaður hvers nemendafélags er ábyrgur fyrir því að útnefna aðra fulltrúa á aðalþing fyrir hönd síns nemendafélags en kjör þeirra fari á þessa leið:
Hvert aðildarfélag með 500 eða færri nemendum hefur fasta 3 fulltrúa. Eftir það bætast við fulltrúar sem hér segir:
1 fulltrúi fyrir 501-600
1 fulltrúi fyrir 601-700
1 fulltrúi fyrir 701-800
Og 1 fulltrúa fyrir hverja byrjaða 200 nemendur þar á eftir.
Hverju nemendafélagi er leyfilegt að skrá jafnmarga fulltrúa til vara. Varafulltrúar eru kallaðir til ef að til forfalla kemur hjá aðalfulltrúum.
Breytingatillaga
1 fulltrúi fyrir 501-700
1 fulltrúi fyrir 701-1.000
Og 1 fulltrúa fyrir hverja byrjaða 500 nemendur þar á eftir.
20. gr.
Formaður og Sífari viðkomandi aðildarfélags eru sjálfkjörnir sem þingfulltrúar.
Formaður hvers nemendafélags er ábyrgur fyrir því að útnefna aðra fulltrúa á aðalþing fyrir hönd síns nemendafélags en kjör þeirra fari á þessa leið:
Hvert aðildarfélag með 500 eða færri nemendum hefur fasta 3 fulltrúa. Eftir það bætast við fulltrúar sem hér segir:
1 fulltrúi fyrir 501-700
1 fulltrúi fyrir 701-1.000
Og 1 fulltrúa fyrir hverja byrjaða 500 nemendur þar á eftir.
Hverju nemendafélagi er leyfilegt að skrá jafnmarga fulltrúa til vara. Varafulltrúar eru kallaðir til ef að til forfalla kemur hjá aðalfulltrúum.
6. kafli – Kosningar
23. gr.
Í byrjun þings SÍF skal þingið kjósa þrjá einstaklinga í hvatningarnefnd þingsins, einn af þremur skal vera sitjandi formaður, æski hann þess. Þó skal formaður ekki sitja í nefndinni hyggist hann bjóða sig fram í trúnaðarstöðu innan sambandsins. Hlutverk hvatningarnefndar er að hvetja fólk og leiðbeina þeim hvernig má bjóða sig fram í stjórn og aðrar trúnaðarstöður á þinginu.
Aðrir þingfulltrúar hafa jafnan rétt til uppástungna um menn í stjórn og trúnaðarstöður, þá má þingforseti leyfa örstuttar athugasemdir um það ef hlutaðeigandi telur sig ekki geta tekið kjöri.
Breytingatillaga
Taka seinni málgrein út.
23. gr.
Í byrjun þings SÍF skal þingið kjósa þrjá einstaklinga í hvatningarnefnd þingsins, einn af þremur skal vera sitjandi formaður, æski hann þess. Þó skal formaður ekki sitja í nefndinni hyggist hann bjóða sig fram í trúnaðarstöðu innan sambandsins. Hlutverk hvatningarnefndar er að hvetja fólk og leiðbeina þeim hvernig má bjóða sig fram í stjórn og aðrar trúnaðarstöður á þinginu.
Ný grein
25. gr.
Svo jafnræðis sé gætt skal hvert aðildarfélag ekki hafa fleiri en 3 frambjóðendur til embættis í framkvæmdastjórn eða 2 í 5-8 manna stjórn. Leitast skal við að hafa alla framkvæmdastjórnarmeðlimi frá sitthvorum aðildarfélögunum.
25. gr. verður 26. gr, o.s.frv.
7. kafli – Stjórn
29. gr.
Stjórn skal funda sem þurfa þykir en þó ekki sjaldnar en einu sinni hvora önn. Formaður eða ritari boðar stjórnarfund með minnst tveggja vikna fyrirvara. Formanni eða ritara er skylt að boða stjórnarfund ef minnst 10 stjórnarmeðlimir eða 1/3 aðildarfélaga æskja þess. Fundur stjórnar er lögmætur ef löglega er til hans boðað og minnst 15 stjórnarmenn mæta.
Breytingatillaga
Formanni eða ritara er skylt að boða stjórnarfund ef minnst 1/3 stjórnarmeðlimir eða aðildarfélaga æskja þess. Fundur stjórnar er lögmætur ef löglega er til hans boðað og meirihluti skipaðra stjórnarmeðlima mæta.
30. gr.
Stjórn skal funda sem þurfa þykir en þó ekki sjaldnar en einu sinni hvora önn. Formaður eða ritari boðar stjórnarfund með minnst tveggja vikna fyrirvara. Formanni eða ritara er skylt að boða stjórnarfund ef minnst 1/3 stjórnarmeðlimir eða aðildarfélaga æskja þess. Fundur stjórnar er lögmætur ef löglega er til hans boðað og meirihluti skipaðra stjórnarmeðlima stjórnarmenn mæta.
8. kafli – Framkvæmdastjórn
32. gr.
b) Ritari skráir fundargerðir og lýsir skilmerkilega öllum ákvörðunum og samþykktum stjórnar jafnt sem framkvæmdastjórnar. Ritari heldur utan um fylgiskjöl hvers fundar og kemur þeim fyrir til geymslu. Ritari skal ætíð setja sig það vel inní mál hverju sinna að hann sé hæfur til að taka við af formanni í forföllum.
Breytingatillaga – viðbót:
Fundargerðir framkvæmdastjórnarfunda skulu sendar framkvæmdastjórn, framkvæmdastjóra og ráðgjöfum innan tveggja daga.
33. gr.
b) Ritari skráir fundargerðir og lýsir skilmerkilega öllum ákvörðunum og samþykktum stjórnar jafnt sem framkvæmdastjórnar. Fundargerðir framkvæmdastjórnarfunda skulu sendar framkvæmdastjórn, framkvæmda-stjóra og ráðgjöfum innan tveggja daga. Ritari heldur utan um fylgiskjöl hvers fundar og kemur þeim fyrir til geymslu. Ritari skal ætíð setja sig það vel inní mál hverju sinna að hann sé hæfur til að taka við af formanni í forföllum.
36. gr.
Framkvæmdastjórn SÍF skal halda minnst 2 fundi á ári með fulltrúum allra aðildarfélaga SÍF og ákveður framkvæmdastjórn fulltrúafjölda félaga hverju sinni.
Breytingatillaga
Taka út.
37. gr. verður þá áfram 37. gr. o.s.frv.
10. kafli – Ráðgjafaráð
Ný grein
43. gr.
Ráðgjafar skulu ávallt vera upplýstir um gang mála, stöðu verkefna og hafa aðgang að gögnum SÍF.
43. gr. verður í 44. gr.
43. gr.
Ráðgjöfum er ekki skylt að taka þátt í daglegri starfsemi SÍF en æskilegt er að þeir taki fullan þátt í byrjun nýs starfsárs svo ný framkvæmdastjórn njóti stuðnings.
Breytingatillaga
Æskilegt er að þeir taki fullan þátt í byrjun nýs starfsárs svo ný framkvæmdastjórn njóti fulls stuðnings. Ráðgjöfum er heimilt að koma að stærri ákvörðunartökum án þess að njóta þó kosningaréttar.
44. gr.
Ráðgjöfum er ekki skylt að taka þátt í daglegri starfsemi SÍF. Æskilegt er að þeir taki fullan þátt í byrjun nýs starfsárs svo ný framkvæmdastjórn njóti fulls stuðnings. Ráðgjöfum er heimilt að koma að stærri ákvörðunartökum án þess að njóta þó kosningaréttar.
Ný grein
Ráðgjafar gegna hluverki félagslegra endurskoðenda. Í því felst að fylgjast með fjármálum og verkefnum sambandsins og fara yfir ársreikninga. Ráðgjafar skulu skila skýrslu um störf framkvæmdastjórnarinnar og stöðu SÍF á stjórnarfundum og aðalþingum.
45. gr. verður 46. gr. o.s.frv.
11. kafli – Fjármál
46.gr
Reikningsár sambandsins skal vera frá 1. september til 31. ágúst ár hvert. Gjaldkeri sambandsins heldur reikninga yfir tekjur og gjöld þess. Reikningar sambandsins skulu í lok hvers reikningsárs lagðir fyrir stjórn endurskoðaðir af löggiltum endurskoðanda. Reikningarnir skulu síðan lagðir fyrir næsta reglulega aðalþing til fullnaðarafgreiðslu.
Breytingatillaga
Reikningar sambandsins skulu í lok hvers reikningsárs lagðir fyrir stjórn endurskoðaðir af félagslegum endurskoðendum.
47. gr
Reikningsár sambandsins skal vera frá 1. september til 31. ágúst ár hvert. Gjaldkeri sambandsins heldur reikninga yfir tekjur og gjöld þess. Reikningar sambandsins skulu í lok hvers reikningsárs lagðir fyrir stjórn endurskoðaðir af félagslegum endurskoðendum. Reikningarnir skulu síðan lagðir fyrir næsta reglulega aðalþing til fullnaðarafgreiðslu.
13. kafli – Reglugerðir
51. gr.
Lög þessi öðlast þegar gildi, 19. september 2010, Fjölbrautaskólanum í Garðabæ
Breytingatillaga
Lög þessi öðlast þegar gildi, 17. september 2011, Menntaskólanum við Hamrahlíð.
52. gr.
Lög þessi öðlast þegar gildi, 17. september 2011, Menntaskólanum við Hamrahlíð.
Skýrsla framkvæmdastjórnar
Skólaárið 2010-2011
September
Fjórða aðalþing SÍF
Ný framkvæmdastjórn tekur til starfa
Október
Skrifað undir HOFF samning
Rödd æskunnar
Stjórnarfundur
TCIO – Training course for international officers
Nóvember
Fjárlög
Blóðug mótmæli á Alþjóðlegum degi námsmanna
Leiðtogaskóli
Skipulagning söngkeppninnar hefst að fullu
Desember
Fundur með Mennta- og menningarmálaráðherra
Janúar
Fundur upp í Mennta- og menningarmálaráðuneyti um námskrárbreytingar
Þingsályktunartillaga um heimspekikennslu í grunnskólum
Stofnfundur NSSN
Stjórnarfundur OBESSU
Bóksala SÍF
Febrúar
Formannafundur
Starfsviðtöl
Málþing um stöðu innleiðingar laga um framhaldsskóla
Fundur í Mennta- og menningarmálaráðuneytinu um námsgögn
Fulltrúaráðsfundur LÆF
Mars
Fundur með forvarnarfulltrúum
Stjórnarfundur
Þingsályktunartillaga um menntun og atvinnusköpun ungs fólks
Soccerade framhaldsskólamótið í futsal
Apríl
Kynning á SÍF á Selfossi
Söngkeppni framhaldsskólanna
Maí
1. maí
SAFT
Samráðsfundur með forvarnarfulltrúum
Barnaheill – Dagur barnsins
Fundur með Erlendi varðandi styrkveitingar
Lagafrumvarp um námsstyrki
Sambandsþing LÆF
Samið um útgáfu Framhaldsskólablaðsins
Júní
Unnið að Æskulýðssjóðsverkefni
Ungt fólk 2010
Kaffi og kökur
Júlí
Æskulýðssjóður
OBESSU kemur í heimsókn
Ágúst
Bóksala SÍF
OBESSU summer school
Menningarnótt
September
Formannanámskeið
Þing
Annað:
LÍN
1.maí
Söngkeppnin
HR – Framkvæmdakeppni framhaldsskólanna
Umferðarstofa – Vertu til!
Faghópur um hreyfingu
Menntun atvinnuleitenda
HOFF
Skjár 1
Monitor