Í áraraðir hefur 17. nóvember verið haldinn hátíðlegur en uppruna dagsins má rekja aftur til ársins 1939, þegar Þjóðverjar réðust inn í Tékkóslóvakíu. Meðal þeirra sem börðust gegn hersetu þjóðverja voru námsmenn. Á þjóðhátíðardegi Tékkóslóvakíu flykktust námsmenn út á götur Prag og mótmæltu, en mættu harkalegum viðbrögðum. Jan Opletal, leiðtogi námsmanna, særðist illa í þessum mótmælum en lést stuttu síðar af sárum sínum. Mörg þúsund landsmenn fylgdu honum til grafar og í kjölfarið var efnt til annara mótmæla þann 17. nóvember. Þann dag voru 9 mótmælendur teknir af lífi og aðrir 1200 sendir í útrýmingarbúðir nasista og skólum landsins lokað. Þremur árum síðar var 17.nóvember viðurkenndur sem alþjóðlegur dagur námsmanna.

Samband íslenskra framhaldsskólanema (SÍF) hefur frá árinu 2007 staðið vörð um áunnin réttindi framhaldsskólanema á íslandi og barist fyrir bættum kjörum. Áður höfðu félög á borð við Iðnnemasamband Íslands, Hagsmunaráð íslenskra framhaldsskólanema, og Félag framhaldsskólanema sinnt hagsmunagæslu og byggt þær stoðir er SÍF byggir nú á. Í dag eiga allir framhaldsskólar á Íslandi aðild að félaginu og eiga framhaldsskólanemar nú í fyrsta sinn sameiginlegann málsvara sem haldið getur uppi þeirra vörnum.

Við erum að upplifa undarlega tíma, mikill niðurskurður hefur orðið í þjóðfélaginu og framhaldsskólanemar þurfa að lifa í stöðugum ótta við það, að í næsta skipti er niðurskurðarhnífurinn er hafinn á loft, gangi hann okkur of nærri. Forræðishyggja skólayfirvalda hefur náð nýjum hæðum og fá framhaldsskólanemar varla að draga andann án samþykkis yfirvalda.

Svo þegar að þú mætir framhaldsskólanema á morgun, þá ættir þú að stöðva hann, og spyrja hann, svona til tilbreytingar, hvað honum finnist. Því þegar uppi er staðið, eru þetta hagsmunir okkra allra, og skoðanir okkar eiga alltaf rétt á sér.

Andri Steinn Hilmarsson formaður SÍF

Helstu verkefni eru upplýsingaþjónusta fyrir nemendur á framhaldsskólastigi, umsjón með sérverkefnum SÍF, og aðstoð við framkvæmd á árlegum verkefnum.

Gerð er krafa um að viðkomandi hafi staðgóða þekkingu á menntamálum, góð tök á íslenskri og enskri tungu, reynslu af vinnu með ungu fólki, góða hæfni í mannlegum samskiptum og geti unnið sjálfstætt. Menntun sem nýtist í starfi er kostur. Starfið hentar vel einstaklingi í háskólanámi en vinnutími er sveigjanlegur og eftir samkomulagi. Um 35% starf er að ræða

Samkvæmt 10. gr. æskulýðslaga 70/2007 þarf umsækjandi að geta sýnt fram á hreint sakavottorð. Farið verður með allar umsóknir sem trúnaðarmál.

Upplýsingar um starfsemi SÍF má finna á heimasíðunni www.neminn.is

Nánari upplýsingar um starfið veitir Sigurbjörg Birgisdóttir, framkvæmdastýra í síma 551 4410.

Umsóknir skulu berast á  netfangið neminn@neminn.is eða til Sambands íslenskra framhaldsskólanema, Pósthússtræti 3-5, 101 Reykjavík.

Umsóknarfrestur er til 22. október 2011

Fréttabréfið verður sent á alla formenn nemendafélagann sem og sífara, en að auki verður það birt hér á heimasíðu sambandsins.

Einnig er öllum frjálst að skrá sig á póstlista með því að senda póst á neminn@neminn.is.

Kveðja,

SÍF

Að venju var kosin ný framkvæmdastjórn sem hefur þegar tekið til starfa.

Framkvæmdastjórn SÍF er svo skipuð:

Formaður – Andri Steinn Hilmarsson
Ritari – Eva Brá Axelsdóttir
Gjaldkeri – Níels Þóroddsson
Fulltrúi alþjóðamála – Lilja Björk Jónsdóttir
Fulltrúi forvarnamála – Alexandra Herbertsdóttir
Verkefnastjóri – Davíð Þór Katrínarson
Verkefnastjóri – Tinna Bergmann Halldórsdóttir

Um leið og við bjóðum nýja framkvæmdastjórn velkomna til starfa þökkum við fráfarandi stjórn fyrir vel unnin störf í þágu SÍF.

Við hlökkum til að takast á við verkefni næsta tímabils af þeim eldmóð og krafti sem nýskipuð framkvæmdastjórn býr svo sannarlega yfir.

Helstu mál sem tekin verða fyrir á fundinum eru:
Kennsluaðferðir; hvernig viljum við, framhaldsskólanemendur, að kennslu okkar sé háttað.
Þátttaka nemenda; hvernig má auka þátttöku nemanda í félagsmálum innan skóla og félagasamtaka,
Aðgengi að menntun, og að lokum Framtíð SÍF

Allar frekari upplýsingar veitir Sigurbjörg Birgisdóttir framkvæmdastýra SÍF í síma 551-4410 á meðan í þingi stendur.

Bestu kveðjur,
Eydís Helga Árnadóttir
Alþjóðafulltrúi SÍF

Stefán lauk stúdentsprófi af listnámsbraut Fjölbrautaskólans í Garðabæ vorið 2008, og var forseti Nemendafélags FG, auk þess að keppa í Morfís fyrir hönd skólans. Þá var hann formaður SÍF veturinn 2008-2009, og þekkir því vel til starfsemi félagsins. Hann stundar nú nám í stjórnmálafræði í Háskóla Íslands.

Gleðilegt sumar!

Við vonum að okkur takist að búa til gott blaðð þar sem m.a. verði sagðar fréttir af félagslífi framhaldsskólanna, og fjallað um ungt fólk með jákvæðum hætti, en einnig viljum við gera SÍF sýnilegra í skólunum og í samfélaginu, og koma á framfæri fréttum af félaginu.

Blaðið verður alfarið fjármagnað með sölu auglýsinga. Verkefnastjóri útgáfunnar er Guðmundur Rúnar Svansson, sem á sínum tíma stofnaði og gaf út Menntaskólablaðið Verðandi. Ekki hefur verið ráðinn ritstjóri að blaðinu og fyrir þá sem hafa áhuga má sjá nánari upplýsingar hér. Ennfremur vonumst við til að sem flestir framhaldsskólanemar hafi áhuga á að taka þátt í útgáfunni t.d. með því að skrifa efni í blaðið.

· Hafi áhuga á fjölmiðlun og blaðamennsku

· Búi yfir góðum samskiptahæfileikum

· Eigi gott með að vinna undir álagi

· Geti skrifað góða íslensku

Umsóknir ásamt ferilskrá sendist á umsokn@neminn.is. Nánari upplýsingar gefur Guðmundur á grs@neminn.is. Umsóknarfrestur er til 6. júní næstkomandi.